續（遺忘傻婆）87 |
| 1月4日，今日晨甘早就起身喇！因為我已經差唔多一個月冇番鄉下探
嫲嫲爺爺嚕，所以今日要起程喇。可能琴晚太夜訓喇，所以一上車就
開始教教豬，好眼訓吖！好彩冇搭過龍咋。
而家開始好怕番去探佢地，但系又好掛住佢地，真系好矛盾！因
為每番一次去就見到佢地老一D甘，個心好唔舒服！好怕有一日佢地會
離開我，只要系每一次霖到呢一點我就好想喊，但系每一次都強忍住D
眼淚，因為如果我喊既話嫲嫲又會喊！我唔想見到佢地唔開心！
其實甘耐以嚟，我都可以把持住自己唔會行番以前條路做個壞人
都系因為嫲嫲，佢系我既支柱！只要每一次靠近黑暗既邊緣我都會霖
住嫲嫲，我就會同自己講，我要遠離佢地，我唔可以再俾自己學壞，
再令佢地失望同傷心喇！ 有時候，我唔敢想象，如果當初冇嫲嫲爺
爺既話，我今時今日，系會變成一個點樣既人！繼續成日流離浪蕩，
日蒲夜蒲，顛倒日夜甘生活！ 生命系幾甘頹廢，唔系去蒲就系惹是生
非，打架，溝女，索K，啪丸…… 為左擺脫呢一切，我都唔知用左幾
大既決心，用盡方法···無論點都好，我都唔會再甘喇，每一次番
到嫲嫲爺爺度，我都同佢地保證！ 你地放心啦，我會乖架，我唔會再
行差踏錯……你地唔洗擔心我。 但系佢地永遠都系甘擔憂！！ 我有
時候甚至覺得，嫲嫲爺爺對我既緊張，憂心，對我所付出既愛，關懷
，教育，更加勝於一個母親既角色！佢地系我覺得呢個世上最最偉大
既長輩~~~~~
坐左陣，大伯，堂哥堂姐，仲有堂哥既女朋友竟然都番左嚟！我
真系好驚喜囖，竟然甘巧都有！以往只有過年同埋清明先會見到佢地
架，今次竟然俾我撞到，真系好開心！！
我地幾老表又可以相聚片刻喇！ 不過自從上一年既年尾開始，我
地既相聚就少左好多既歡笑喇，家族突如其來既巨變！改變左好多野
···我地後輩既亦都開始被迫進入呢個殘酷既社會裡面求存！！但
系我唯一唔同佢地既就系我所肩負既責任同壓力更加大，媽咪成50歲
喇，冇可能再做野！所以只有我一個肩負起成頭家。而家乜野都要精
打細算，好好計劃！ 我而家先知道，原嚟要肩負起一個家既重擔系
幾甘辛苦，我終於都體會到呢幾十年嚟媽咪一個人系幾甘艱辛！ 所以
今日我都同嫲嫲承諾左，即使同媽咪關係再差都好，我都唔會再同佢
吵架，好好改善下同佢既關係！ 對於我嚟講雖然系好困難，但系我會
努力嘗試！
20歲喇，應該好好甘計劃下自己將來既路點行，定下一個目標。
冇目標既人生系白過既，系枉然既，系麻木既……
有好多朋友問我，打算今年20歲既生日點搞！開始我都打算大搞
架，話曬步入20歲啵！但系霖深一層，其實我覺得好無謂！生日啫，
有乜甘大不了喔！雖然個一日，你系可以誕生響呢個世界上！系一個
好值得慶祝既時刻！但系……我地呢一輩既人，又有冇霖過，其實響
我地誕生響呢個世上既哥一刻，我地既母親，系忍受住幾大既痛楚！
我終於都睇化曬睇通曬喇，如果唔系我地既媽咪，有我地既今日咩？
所以對於我嚟講，生日其實就系紀念我地既媽咪做左一件好偉大既事
！最後 。我決定，今年既生日，我要親自煮餐好野俾媽咪食~~唔單隻
系今年，以後既每一年，我都要堅持甘做！ 搞唔搞？！無謂啦…… |
|
